ni Ivan Anthony A. Adaro | Pebrero 24, 2023
Puso ko’y binihag mo!
Sinungkit na parang bituin
Nahulog sa kamay mo.
Sindi nito’y lalong kumikislap
Habang hinalikan mo ‘to ng matamis.
Ako ang pinakamasaya na bituin,
O kaya’y naisip ng puso ko.
Kinabukasan, hindi kita nakita
Ika’y nawala na parang bula!
Pero, heto pa rin ako, naghihintay sa’yo.
Habang lumulubog ang araw sa gabi,
Pinagmasdan ko ang ilaw na unti-unting nawawala
Hanggang sa ito’y namatay kagaya ng puso ko
Nung nakita kitang nakatingin na sa ibang bituin.
Minahal kita na parang buwan.
Sabi mo na mamahalin mo rin ako na parang bituin.
Eh, kung ganon, bakit ang dami namin?!
Tumingin ulit ako sa mga mata mo
Ang parehong pares na dumurog sa puso ko.
Kung alam kong iiwanan mo lang ako,
Sana hindi mo na lang binihag ang puso ko!
