Friday, February 3, 2023

Espasyo

by Franciss Nikole Elli | November 15, 2021

Niginhawa ko sa tunga-tunga
Sa mga linya ug marka
Nipadalin-as sa akong mga pulong,
Apan kini nangaipit, wala maigo sa espasyo.

Ako'y naghangyo ginagmay
Nga unta dungagan nimo gamay
Ang lugar para makabakho,
Mopagawas, sa akong hingulo.

Duha ka espasyo
Ang ibutang mo sa matag linya,
Ug ipadagayday ko sa tunga-tunga
Ang magatulo kong mga luha.

Kay ania sa blangko nga espasyo
Ako nagapuyong naghimuyo
Layo sa kabanha,
Nag-inusara sulod sa akoang mga huna-huna
Photo Credit Little Shop of Dreams Tumblr Page

LEAVE A REPLY

Please enter your comment!
Please enter your name here

Latest articles