Biya na sa Kahidlaw

209

by Ivan Anthony A. Adaro | November 6, 2021

Sa pagsalop sa adlaw didto sa kabukiran
samtang nagkasaba ang mga gangis sa kaumahan,
ang kalabera nga nasamdan sa kabangotan,
ningbangon gikan sa iyang lawom nga kaalautan

Kung unsa kadaghan ang bituon
nga ning sidlak-sidlak sa kagabhion,
mao sab ang gidaghanon sa hunghong
nga gihupaw niya padulong sa bungbong

Naglaum sa kandila nga unta ila madungog
ang masalub-ong pangamuyo nga iyang tugtog
para sa bombilya niyang di na masunog
ug sa haligi niyang 'di na matarong ug barog

Ning labay na ang pila ka oras, wala pa gihapoy nitubag
gawas sa hangin nga padayong nagdahunog sa payag
Ang silaw sa bulan mipuno sa kwarto ug pilak nga kahayag,
apan dili gihapon kaigo aron mapuno ang kahaw-ang sa kalag

Hinayhinay, misubang napud usab ang adlaw
Ang mga langgam nahigmata aron muhuni sa anahaw
Samtang mihuros ang hangin, hunghong nahanaw
Bag-ong adlaw na, dawata ug biya na sa kahidlaw!

LEAVE A REPLY Cancel reply

Please enter your comment!

Please enter your name here

You have entered an incorrect email address!

Please enter your email address here

Latest articles

MORE STORIES