Sunday, April 14, 2024

Hangyoon Ko Ang Kahitas-an

Ni Larry V. Villarin | Nobyembre 28, 2022

Nga unta ang mga buaya makaamgo sa paghinulsol sa ilang pagkalimbungan.

Nga unta ang mga adunahan magpaubos sa gihikawan.

Nga unta pagsubang sa adlaw mutumaw ang paglaom sa mga gipasipad-an.

Nga unta makat-on ang tanang katawhan sa pagpanalipod sa kalikopan ug kinaiyahan.

Sa panahon nga muabot ang gubat, 

unta lamdagan ang tanang kasing-kasing sa kalinaw.

Sa panahon nga muhubas ang punong sa katubigan, 

unta mutulo ang kalooy sa mga gamhanan.

Sa panahon nga biay-biayon ang katungod sa kabus,

unta mupatunga ang balaod haron pagtul-id sa sayop. 

Tuod man ang tawo mahimong daotan, 

tungod sa hagit sa kahimtang sa iyang kinabuhi!

LEAVE A REPLY

Please enter your comment!
Please enter your name here

Latest articles