Thursday, March 28, 2024

???? ?? ???-????

ni Franciss Nikole Elli | May 24, 2021

May be a cartoon of text that says 'weekly sillimanian'

Mi yahat tuy-od sa kakapoy,
Ilalom sa makapaso’ng udtong tutok.
Nidagayday ang singot sa kalawasan
Tungod sa kakapoy.

Naminhod ang duha ka tuhod
Samtang mga tiil nag-uga
Sa yuta’ng gibungkal ug gi-atiman.
Kini mao ang istorya sa usa ka mag-uuma.

Luyo sa kanunay nga pagkugi,
Sila gihapon ang mga tinamay.
Namulot sa ginagmay’ng mumho
Gi-usikan sa mga hakog nga adunahan.

Uban sa pagtikyop sa kahapunon,
Nidungo – yukbo pag usab ang tawo
Uban sa paghangad – pasalamat sa Makagagahom,
Nga ugma damlag makita ang tingusbawan.

LEAVE A REPLY

Please enter your comment!
Please enter your name here

Latest articles