Si Kinsa?

365

by Franciss Nikole Elli | October 30, 2021

Ang huyuhoy sa hangin, nihunghong sa dunggan.
Nigilok ang li-og ug nikurog ang kalawasan.
Hadla sa kahilom ang dala sa mga dili makit-an. Mupatagad dayon mudalagan.

Ang pultahan nilamba sa iyang kaugalingon
Di mabal-an unsa ang gipas-ang sugilanon.
Mao lang gyud kini ang iyahang tulumanon
Sa moabot na ang kagabhi-on.

May kahadlok kaha siya kanako?
O bason lamang siya nagtago,
Sa nipis nga hangin kung diin siya nagapuyo?
Wala uroy siya’y ikatampo kung dili kahago.

Huni sa gangis ang mupukaw
Sa mga kalag nga gatago sa silaw.
Paghalok sa gabii, sila matin-aw,
Sa mga matang may espesyal nga panan-aw.

Mudahunog sa kahoy’ng salog, mga tiil nga mag-binagsa.
Mga muwebles sa kusina, mag-singking mura'g pista.
Labi sa tanan, pagkuhit sa buko-buko ang ikatingala
Samtang ang tawo wala nanghilabot niya nga dili magpakita.

LEAVE A REPLY Cancel reply

Please enter your comment!

Please enter your name here

You have entered an incorrect email address!

Please enter your email address here

Latest articles

MORE STORIES